लोणी काळभोर प्रतिनिधी – लोणी काळभोर पोलीस ठाण्याच्या हद्दीमध्ये बुलेटस्वार त्यांच्या बुलेट दुचाकीचे सायलन्सर बदलुन मोठमोठ्याने कर्णकर्कश्य आवाज काढुन फटाके फोडणाऱ्या बुलेट स्वारांवर लोणी काळभोर पोलिसांनी कडक कार्यवाही केली आहे . लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांनी सांगितले की लोणी काळभोर पोलिसांकडे बुलेट स्वारांच्या तक्रारी आल्या होत्या त्यानुसार लोणी काळभोर पोलीसांनी अशा टवाळखोर बुलेटस्वारांचा बंदोबस्त करण्याकरीता लोणीकाळभोर पोलीस ठाणेकडील पोलीस ठाणे स्तरावर वेगवेगळी पथके तयार करुन त्यांना लोणी काळभोर पोलीस ठाणे हद्दीतील कर्णकर्कष्य आवाज काढणाऱ्या दुचाकी गाड्यांचा शोध घेउन कारवाई करणेबाबत सांगितले होते .
त्यानुसार लोणी काळभोर पोलीसांनी दि. ३०/०८/२०२५ रोजी पोलीस ठाणे हद्दीत प्रभावीरित्या गस्त घालुन कर्णकर्कष्य आवाज काढत तसेच बुलेटचे फटाक्यांसारखे आवाज काढत बुलेट दुचाकी चालवीणारे एकुण १८ दुचाकी चालकांच्या दुचाकी ताब्यात घेऊन या दुचाकीचे सायलेन्सर पोलीसांनी चेक केले असत्ता ते कंपनीचे नसल्याने त्यांच्यावर हडपसर वाहतुक विभागाचे पोलीस हवालदार सतिश टेंगले, पोलीस अंमलदार सचिन कांबळे यांच्यामार्फत कायदेशिर कारवाई करुन एकुण १८,०००/- रु. चा दंड वसुल करण्यात आला आहे. तसेच या दुचाकी गाड्यांचे मॉडीफाईड सायलेन्सर काढुन त्यांना कंपनीचे सायलेन्सर बसविण्यात आले आहेत. त्याचप्रमाणे या दुचाकींचे कर्नकर्कष्य हॉर्न देखील काढुन घेणेत आले असुन त्याबाबत देखील कारवाई करणेत आली आहे.
ही कारवाई पोलीस उप आयुक्त, परिमंडळ ०५, डॉ. राजकुमार शिंदे, सहाय्यक पोलीस आयुक्त, हडपसर विभाग, श्रीमती अनुराधा उदमले यांच्या मार्गदर्शनाखाली लोणी काळभोर पोलीस ठाणेचे वरिष्ठ पोलीस निरीक्षक राजेंद्र पन्हाळे, सहा. पोलीस निरीक्षक सोमनाथ नाळे, पोलीस हवालदार रामहरी वणवे, वैजीनाथ शेलार, संदिप जोगदंड, रवि आहेर, महेश चव्हाण, सुनिल नागलोत, प्रदिप क्षिरसागर, तेज भोसले, मंगेश नानापुरे पोलीस शिपाई ईश्वर भगत, बालाजी बांगर हडपसर वाहतुक शाखेचे पोलीस हवालदार सतिश टेंगले, सचिन कांबळे यांनी केली आहे.
या कारवाई मुळे लोणी काळभोर परिसरातील कर्णकर्कष्य आवाज काढणाऱ्या बुलेट चालकांवर चाप बसविण्यात पोलीस प्रशासनास यश आले आहे. भविष्यात अशाच प्रकारच्या अत्यंत प्रभावी व दर्जेदार कारवाया कर्णकर्कष्य आवाज काढणाऱ्या बुलेटस्वारावर करणार असल्याची माहिती वरिष्ठ पोलीस निरीक्षक राजेंद्र पन्हाळे यांनी दिली .
