लोणी काळभोर प्रतिनिधी – पुर्व हवेलीतील लोणी काळभोर ,कदमवाकवस्ती , सोरतापवाडी ,पेठ ,तरडे कुंजीरवाडी ,,कोरेगावमुळ ,शिंदवणे ,नायगाव ,आळंदी म्हातोबाची इत्यादी गावातुन
आंदोलनकर्त्यांना मदतीचा ओघ सुरू झाला असुन समस्थ मराठा बांधवांनी भाकरी, चपाती, लोणचं, चटणी , पाण्याच्या बाटल्या ,बिस्कीट पुडे ,फरसाण व इतर चिवडा आदी साहित्य घेऊन अनेक टेम्पो भरून आंदोलनाच्या स्थळी, म्हणजे मुंबईतील आझाद मैदानाकडे रवाना झाले आहेत .
यामुळे देखील आंदोलनकर्त्यांना आधार मिळेल असे ग्रामस्थांनी सांगितले .
मुंबई येथील आझाद मैदानावर मराठा समाजाच्या आरक्षणासाठी मनोज जरांगे पाटील उपोषणाला बसले असून त्यांना साथ देण्यासाठी हजारो मराठा आंदोलक मुंबईला गेले असुन सुरुवातीच्या दोन दिवसात या आंदोलनकर्त्यांच्या जेवणाचे हाल झाले . कारण आझाद मैदानापासून पंधरा किलोमीटर लांब त्यांच्या गाड्या लावण्यात आल्या होत्या .त्यामुळे त्यांचे खाण्यापिण्याचे खुपच हाल झाले. त्यानंतर महाराष्ट्रातून या आंदोलनकर्त्यांना मदतीचा ओघ सुरू झाला .
हवेली तालुका मराठा समाजाच्या वतीने आंदोलनकर्त्यांना मदत म्हणून भाकरी, चपाती, लोणचं, चटणी पाण्याच्या बाटल्या ,बिस्कीट पुडे ,फरसाण आदी साहित्य घेऊन टेम्पो पाठविण्यात आले आहेत . हवेली तालुका मराठा समाज
मुंबई येथील आंदोलनकर्त्यांबरोबर सतत संपर्क ठेवून आहेत .
कोरेगाव मुळ व हँपी ग्रुप तर्फे दोनशे किराणा किट तयार केले असुन ते उदया दुपारी एक वाजता टेम्पो रवाना करण्यात येणार आहे .किट मध्ये गव्हाचे पीठ ,रवा ,तेल ,तांदूळ , पोहे , तुरडाळ ,मीठ ,लोणचे ,साबण ,हळद ,बिस्कीट पुडे ,इत्यादी वस्तु असुन या किटने करोना काळात केलेल्या मदतीची आढवण ग्रामस्थांना झाली .तसेच आंदोलनकर्त्यांना नागरिकांनी जास्तीत जास्त कोरडा शिधा देण्याचा प्रयत्न करावा .असे हँपी ग्रुपच्या सदस्यांनी आवाहन केले आहे .
समाजातील विविध घटक—स्थानिक नागरिक, संघटना, राजकीय चळवळी—एकत्र येऊन आंदोलनाला मोठ्या प्रमाणावर आधार देत आहेत.
सोरतापवाडी व परिसरातील नर्सरी उदयोजक सुध्दा मराठा आंदोलनकर्त्यांना मोठ्या प्रमाणावर मदत करत असुन जो पर्यंत आंदोलन चालू राहील तोपर्यंत त्यांना मदत करण्यासाठी नर्सरी उदयोजक कटिबद्ध असल्याचे अनेक नर्सरी व्यवसायिकांनी सांगितले .
लोणी काळभोर , कदमवाकवस्ती येथून एक घर एक शिदोरी या प्रमाणे नागरिकांनी मदत करण्याचे आवाहन समस्थ मराठा बांधवांनी केले आहे .
