लोणी काळभोर प्रतिनिधी -दि पूना डिस्ट्रिक्ट पोलीस को-ऑप क्रेडीट सोसायटीच्या अध्यक्षपदी उदय काळभोर यांची निवड करण्यात आली .
नुकतेच संस्थेच्या संचालक मंडळातून पदाधिकारी निवडण्यात आले . संचालक मंडळ पदाधिकारी निवडणुक अध्यासी अधिकारी तथा उपनिबंधक, सहकारी संस्था यांच्या अध्यक्षतेखाली संपन्न झाली. पदाधिकारी निवडणुकीत संस्थेचे अध्यक्षपदी उदय सुदाम काळभोर यांची, उपाध्यक्षपदी सुमित लहू कदम यांची, मानद सचिव पदी जमीर बाबालाल तांबोळी यांची तसेच खजिनदार पदी दिनेश प्रल्हाद गडांकुश याची निवड करण्यात आली .
या सोसायटीची स्थापना दिनांक २०/०६/१९२० रोजी स्वातंत्र्य पूर्व काळात झाली आहे. संस्थेचे गेल्या १०५ वर्षात दर दहा वर्षांनी सुमारे १००० नवीन सभासदांची वाढ होत गेली असून सध्या संस्थेचे एकूण १४,८८३ सभासद आहेत.
संस्थेचे सध्याचे भागभांडवल व संचित ठेवी एकूण रूपये ४०८ कोटी ५१ लाख आहे. सभासद व सेवानिवतृत्त सभासद यांच्या एकूण ८२ कोटी ४६ लाख रुपये इतक्या मुदत ठेवी आहेत. संस्थेने सन २०२४-२५ या आर्थिक वर्षात ३२८२ कोटी इतकी वार्षिक उलाढाल झालेली आहे. संस्थेने पोलीस अधिकारी व अंमलदार यांना ९४९ कोटी १३ लाख इतके कर्ज वितरीत केलेले आहे.
संस्थेने सभासदांच्या हितासाठी विविध योजना हाती घेतल्या असुन कर्ज योजने मध्ये सर्वसाधारण कर्जाची मर्यादा २१ लाख रुपये असुन तातडीच्या कर्जाची मर्यादा १ लाख रुपये असुन व्याजदर ९.४०%आहे .सभासदांना गृह कर्ज योजने मधुन५० लाख रुपयांपर्यंत कर्ज मिळते तारण कर्ज योजने मध्ये ५० लाख रुपयां पर्यंत कर्ज मिळते .
शैक्षणिक गुणवत्ते मध्ये १० वी मध्ये ९७% मार्क मिळाले तर
लॅपटॉप, ९५% व त्यापुढे टॅब टॅब बक्षीस म्हणून दिले जाते तर १२ वी मध्ये ९७% मार्क मिळाले तर लॅपटॉप तर पदवी / पदविका ९७% मार्क मिळाले तरलॅपटॉप व टॅबचे बक्षीस म्हणून वाटप केले जाते .
