लोणी काळभोर प्रतिनिधी – लोणी काळभोर येथे प्रथमच सरपंच राहुल काळभोर यांच्या संकल्पनेतून गणेश विसर्जनासाठी तयार केलेल्या कृत्रिम हौदास गणेश भक्तांनी प्रचंड प्रतिसाद दिला. ग्रामपंचायतीच्या वतीने सर्व गणेश भक्तांना आणि नागरिकांना आवाहन करण्यात आले होते की गणेश विसर्जनासाठी कुत्रिम हौदाचा वापर करावा .
त्यानुसार
आज दिनांक-०६/०९/२०२५ रोजी बाजार मैदान येथे घरगुती गणपतीचे कुत्रिम हौदात विसर्जन केले. त्याबद्दल त्या कुटुंबाला सरपंच राहुल काळभोर यांच्या हस्ते प्रशस्तिपत्रक आणि सन्मानचिन्ह देऊन अभिनंदन केले .
यावेळी राजेंद्र पन्हाळे (वरिष्ठ पोलीस निरीक्षक लोणी काळभोर पोलीस स्टेशन ) प्रशांत काळभोर (संचालक कृ.उ.बाजार समिती), उपसरपंच गणेश कांबळे,राजेंद्र काळभोर (मा.उपसरपंच), युवराज काळभोर (अध्यक्ष वन व्यवस्थापन समिती), रमेश भोसले (शिवसेना हवेली ता. प्रमुख) , संतोष भोसले (शिवसेना लोणी काळभोर प्रमुख), राहुल क्षीरसागर ,नितीन जगताप , नेता केसकर, संतोष वीरकर व इतर मान्यवरांनी भेट दिली
याबाबत सरपंच राहुल काळभोर यांनी सांगितले की दिवसेंदिवस प्रदूषणामध्ये वाढ होत चालले असून आपण कमीत कमी प्रदूषण कसे होईल याकडे लक्ष देऊन कृत्रिम हौदाचा वापर करा हौदाचा वापर करा व जल प्रदूषण टाळा असे आवाहन गणेश भक्तांना केले होते.
त्यानुसार आज गणेश भक्तांनी मोठ्या प्रमाणावर गणेश विसर्जन करण्यासाठी कृत्रिम हौदाचा उपयोग केला .
