लोणी काळभोर प्रतिनिधी – पुणे-सोलापूर महामार्गावर घडलेल्या जबरी चोरीच्या गुन्ह्याचा तपास अवघ्या तीन तासांत लावून लोणी काळभोर पोलिसांनी चौघा आरोपींना जेरबंद केले आहे .आरोपींकडून तब्बल ३ लाख ४२ हजार २०० रुपयांचा मुद्देमाल जप्त करण्यात आला आहे .
नामदेव विकास पवार (वय २३, रा. कदमवाकवस्ती) हे आपल्या कामानिमित्त रिक्षातून प्रवास करत होते. दि. ७ सप्टेंबर रोजी सायंकाळी साडेचार वाजण्याच्या सुमारास ते कदमवाक वस्तीतील श्रीदत्त मिसळ हॉटेल समोरील येतात रिक्षाचे चालक व इतर तीन इसमांनी त्यांना हाताने ओलाचा वाक्य निवारण करून रिक्षातून खाली पाडले. त्यानंतर त्यांच्याकडील १८ हजारांचा मोबाईल फोन, रोख रक्कम ३,५०० रुपये असा ऐवज हिसकावून आरोपी पसार झाले.
या घटनेमुळे परिसरात एकच खळबळ उडाली. घटनेची माहिती मिळताच लोणी काळभोर पोलीस तात्काळ घटनास्थळी दाखल झाले. तपास सुरू होताच पोलिस शिपाई बाजीराव विर, शैलेश कुदळे, पाटील, चक्रधर शिरगीरे यांच्या पथकाला खात्रीशीर माहिती मिळाली. त्या आधारे अवघ्या तीन तासांत पोलिसांनी सय्यद नगर, हडपसर येथून आरोपींना ताब्यात घेतले.
अटक करण्यात आलेल्या आरोपींची नावे – अदिल लतीफ शेख , हबिब सिराज शेख ,बबलू मुन्नालाल अग्रवाल , रोहन युनूस शेख ,तिघा आरोपींना ९ सप्टेंबर रोजी दुपारी अटक करण्यात आली तर अल्पवयीन आरोपीला नंतर ताब्यात घेण्यात आले आहे. पोलिसांनी आरोपींकडून मोबाईल फोन, रोख रक्कम आणि रिक्षा असा एकूण ३,४२,२०० रुपयांचा मुद्देमाल जप्त केला आहे.
ही कारवाई परिमंडळ ५ चे पोलीस उपायुक्त डॉ. राजकुमार शिंदे व हडपसर विभागाच्या सहा. पोलीस आयुक्त सौ. अनुराधा उदमले यांच्या मार्गदर्शनाखाली वरिष्ठ पोलीस निरीक्षक राजेंद्र पन्हाळे, गुन्हे निरीक्षक सौ. स्मिता पाटील, सहाय्यक पोलीस निरीक्षक कृष्णा बाबर, उपनिरीक्षक दिगंबर सोनटक्के पो. हवा, सातपुते, वणवे, माने, जगदाळे, देवीकर, पोलीस शिपाई कुंभार, गाडे, कर्डीले, सोनवणे, शिरगिरे, दडस, पाटील, कुदळे, विर यांनी केली आहे.
