लोणी काळभोर प्रतिनिधी – पुर्व हवेलीतील अनेक गावात रविवार (दिनांक १४) पासुन दुपारी दोन वाजल्यापासून पावसाने थैमान घातले होते . जवळपास बावीस तास पावसाने हाहाकार केल्याने पूर्व हवेलीतील परिस्थिती अत्यंत भयंकर बनली होती पुणे सोलापूर महामार्गास नदीचे रूप आले होते संपूर्ण महामार्गावरून मोठ्या प्रमाणात पाणी वाहत होते कदम वाकवस्ती परिसरामध्ये पावसाचे पाणी अक्षरशः महामार्गावरून वाहताना दिसत होते .अनेक घरात पाणी शिरले .घोरपडे वस्ती, इंदिरानगर परिसरात राहणाऱ्या नागरिकांच्या घरांमध्ये मोठ्या प्रमाणात पाणी शिरल्याने या कुटुंबीयांचे मोठे नुकसान झाले यावर शिवसेना जिल्हा संघटक निलेश काळभोर व त्यांच्या मित्रांनी आज त्यांच्या भोजनाची व्यवस्था केली.
निलेश काळभोर यांनी सांगितले की निसर्गाने केलेल्या या नुकसानीचे महसूल खात्याकडून लवकरात लवकर पंचनामे करून बाधित कुटुंबांना शासनाकडून मदत मिळावी तसेच अशी परिस्थिती निर्माण का होते यावरही या विभागाकडून माहिती घेऊन त्यावर कार्यवाही करण्याची गरज आहे. घरात पाणी शिरल्यामुळे रात्रभर या बाधित कुंटुबाला अक्षरशः पावसात घुडघ्याभर पाण्यात रात्र काढावी लागली .
