कारवाईत ४१ वाहने केली जप्त
लोणी काळभोर प्रतिनिधी – उरुळी कांचन पोलीस स्टेशन हद्दीत आज दि. २१/ ०९/ २०२४ रोजी वाहतूक विषयक विशेष मोहिम राबविण्यात आली. या मोहिमेत वाहतूक नियमांचे उल्लंघन करणाऱ्या वाहनांवर जोरदार कारवाई करण्यात आली.
नंबर प्लेट नसलेल्या मोटरसायकली,
परवाना व आवश्यक कागदपत्रांशिवाय चालविलेल्या मोटरसायकली, जास्त आवाज करणारे सायलन्सर लावलेल्या बुलेट मोटरसायकली यांच्यावर कारवाई करण्यात आली.
याशिवाय मॉडिफिकेशन केलेले १० सायलन्सर नष्ट करण्यात आले. एकूण ४१ वाहने जप्त करून पोलीस ठाण्यात आणण्यात आली असून संबंधित कागदपत्रांची पडताळणी करून पुढील कायदेशीर कारवाई सुरू आहे.
ही मोहीम उरुळी कांचन पोलीस स्टेशनचे वरिष्ठ पोलीस निरीक्षक शंकर पाटील यांच्या मार्गदर्शनाखाली पार पडली. या कारवाईत सहायक पोलीस निरीक्षक ज्ञानेश्वर बाजगिरे, सहायक पोलीस उपनिरीक्षक रमेश भोसले तसेच पोलीस हवालदार निलेश जाधव, प्रशांत पवार आणि पोलीस कॉन्स्टेबल अमोल खांडेकर, सुदर्शन माने, अक्षय कामठे, रविकुमार फड, राजकुमार भिसे, मनोज रत्नपारखी, सुमित वाघ, अनिकेत गायकवाड उद्धव गायकवाड यांनी सहभाग घेतला.
या मोहिमेद्वारे नागरिकांमध्ये वाहतूक नियमांचे पालन करण्याबाबत जनजागृती करण्याच्या उद्देशाने ही कारवाई करण्यात आल्याचे पोलीस निरीक्षक शंकर पाटील यांनी सांगितले.
