लोणी काळभोर प्रतिनिधी – या वर्षी संपूर्ण महाराष्ट्रात झालेल्या अतिवृष्टीमुळे अनेक जिल्ह्यातील शेतकऱ्यांचे आतोनात नुकसान झाले .तसेच काही ठिकाणी तर शेतकऱ्यांची शेतीच वाहुन गेली .घरातील सर्व सामान पुरात वाहुन गेल्यामुळे शेतकऱ्यांवर मोठे संकट कोसळले .पुरग्रस्त नागरिकांना आधार मिळावा म्हणून हडपसर येथील सिरम इन्स्टिट्यूट ऑफ इंडिया प्रा. लि. हडपसर पुणे व सिरम एम्प्लॉईज युनियन यांच्या संयुक्त विदयमाने सीना मांजरा आणि तेर या नद्याकाठावरील कळंब , वाशी , धाराशिव,परांडा या अतिपुरग्रस्त भागात अन्नधान्य तसेच जीवनावश्यक वस्तुचे वाटप करण्यात आले .
सप्टेंबर महिन्यात सीना ,मांजरा आणि तेर नदयांना आलेल्या पुरामुळे कळंब, वाशी, धाराशिव( मराठवाडा), परांडा विभागात अगदी होत्याच नव्हतं झाले. गुरेढोरे ,अन्नधान्य अगदी सर्व काही पुराच्या पाण्यामध्ये वाहून गेले .आपल्या बळीराजाचा संसार जणू उघड्यावर पडला, एखाद्या भातुकलीच्या खेळासारखा सर्व संसार वाहून गेला .खरंतर शेतकऱ्याचे दुःख समजून घेण्यासाठी शेतकऱ्यांच्या घरात आधी जन्म घ्यावा लागतो.आज आपला भारत देश प्रगती करतोय परंतु अजूनही आपला बळीराजा रोजच्या जगण्यासाठी संघर्ष करतोय . म्हणूनच आपण ज्या समाजामध्ये राहतो त्या समाजाचा आपणही काहीतरी देणे लागतो . या हेतूने एक हात मदतीचा म्हणून सिरम एम्प्लॉईज युनियन व सिरम इन्स्टिट्यूट ऑफ इंडिया प्रा. लि. हडपसर पुणे यांच्या संयुक्त विद्यमाने सीना मांजरा आणि तेर या नद्याकाठावरील कळंब , वाशी , धाराशिव,परांडा या अतिपुरग्रस्त भागातील शेतकऱ्यांना अन्नधान्य तसेच जीवनावश्यक वस्तूंची मदत सुपूर्द करण्यात आली .
या उपक्रमात कंपनीचे एच आर चे डायरेक्टर मंहेद्र इंगे ,कंपनीचे सीनियर जनरल मॅनेजर प्रवीण गरकल यांचे मोलाचे सहकार्य लाभले. तसेच सिरम एम्प्लॉईज युनियन अध्यक्ष अजित भिंताडे, उपाध्यक्ष अतुल कदम ,खजिनदार सचिन गायकवाड, सचिव अजित खैरे ,संचालक सचिन तुपे ,गिरीश मोरे ,प्रवीण घुले यांना सर्व कामगार सभासदांनी मोलाची साथ दिली .
