लोणी काळभोर प्रतिनिधी – आव्हाळवाडीचे माजी उपसरपंच संदेश आव्हाळे यांच्या रूपाने आम्हाला श्रावणबाळ दिसला असे कुंजीरवाडी येथील सामाजिक कार्यकर्त्या धनश्री निगडे व थेऊर – आव्हाळवाडी गटातील महिलांनी मत व्यक्त केले.थेऊर – आव्हाळवाडी गटातील नागरिकांना काशी विश्वेश्वर आणि अयोध्येमध्ये प्रभू श्रीरामांचे दर्शन घडविले असून भगवंताच्या कृपेने व जनतेच्या आर्शिवादाने मला हे भाग्य लाभल्याचे सौ. कोमल संदेश आव्हाळे यांनी सांगितले .
थेऊर – आव्हाळवाडी जिल्हा परिषद गटातील उमेदवार
सौ कोमल संदेश आव्हाळे सदस्या ग्रामपंचायत आव्हाळवाडी व संदेश आव्हाळे सोशल फाउंडेशन यांच्या वतीने अयोध्या व काशी विश्वनाथ दर्शन यात्रेच्या तिसऱ्या टप्प्याचे मोठ्या उत्साहात काशीकडे प्रस्थान केले . पहिल्या ,दुसऱ्या व तिसऱ्या टप्प्यात जवळपास ९००० हजार नागरिकांना देवदर्शन करुन आणल्याची माहिती संदेश आव्हाळे यांनी दिली .तिसऱ्या टप्प्याच्या वेळी उत्साह, भक्ती आणि आनंदोत्सवाचे वातावरण होते.यावेळी महिलांनी प्रचंड प्रतिसाद दिला.
या वेळी बोलताना अनेक महिलांनी संदेश आव्हाळे यांना श्रावण बाळ म्हणून संबोधले .कारण श्रावण बाळाने आपल्या आई वडिलांना काशीला घेऊन गेले होते त्याप्रमाणे आम्हांला कोमल व संदेश आव्हाळे हे काशी व आयोध्येचे दर्शन घडवित आहे .
संदेश आव्हाळे हे आव्हाळवाडीचे उपसरपंच असताना समाजासाठी निःस्वार्थपणे काम केले आहे . नागरिकांच्या समस्या, त्यांच्या सोयी-सुविधा, त्यांच्या आनंदासाठी ते नेहमीच तत्पर असतात. देवदर्शन यात्रेसारखा उपक्रम खरोखर कौतुकास्पद आहे. या नागरिकांचे प्रेम आणि आशीर्वाद संदेश व कोमल आव्हाळे यांना भरभरून मिळतील याची मला पूर्ण
खात्री आहे. असे अनेक महिलांनी यांनी सांगितले .यावेळी संदेश आव्हाळे यांनी भावनिक शब्दांत आपली भावना व्यक्त केली. ते म्हणाले “जनतेची सेवा करणे हीच माझी खरी साधना आहे. देवदर्शन यात्रेमध्ये नागरिकांच्या चेहऱ्यावर दिसणारा आनंद-हेच माझं खरे यश आहे. पुढील चौथ्या टप्प्यांमध्येही आणखीन नागरिकांना देवदर्शन घडवण्यासाठी मी अधिक प्रयत्न करेन .यात्रेच्या आयोजनात संदेश आव्हाळे मित्र परिवाराने नाश्ता जेवण, पाणी, वैद्यकीय मदत, इतर व्यवस्था, विश्रांती व्यवस्था अशा विविध सुविधा मोफत उपलब्ध करून दिल्या. प्रत्येक भगिनीला घरच्यांसारखे स्वागत मिळत असल्याने वातावरण अधिक भावनिक झाले. पुर्व हवेलीतील
नेत्यांनीही संदेश आव्हाळे यांच्या उपक्रमाचे भरभरून कौतुक केले.
संदेश आव्हाळे यांनी आव्हाळवाडी परिसरात स्वतः च्या खर्चाने लाखो रुपयांची विकास कामे केली आहेत. त्यामध्ये गावात कचरा गाडी उपलब्ध करून दिली. गावातील स्मशानभूमीचे काम केले .ड्रेनेज लाईन करुन सांडपाण्याचा प्रश्न सोडविला .क्रिकेट स्पर्धा घेऊन गावातील खेळाडूनां प्रोत्साहन दिले. अनेक वेळा गरिब व गरजुंसाठी स्वतः हॉस्पिटलचे बिल भरले .कोरोना काळात नागरिकांना लसीकरणापासून ते रेमडीशिवर इंजेक्शन पुरविण्यापर्यंत त्यांनी मदत केली .तसेच परिसरात सर्वात मोठा नवरात्र उत्सव भरविला .
अनेक युवकांना उद्योगधंदे काढून दिले तर बेरोजगार तरुणांना रोजगार उपलब्ध करून दिला आहे . या कामासाठी संदेश आव्हाळे यांना त्यांची पत्नी कोमल आव्हाळे यांची भक्कम साथ लाभली असुन नागरिकांच्या कामासाठी हे दोघे सतत उपलब्ध असल्याचे मत अनेक नागरिकांनी दिले.
