लोणी काळभोर प्रतिनिधी – पुणे जिल्हा परिषदेच्या निवडणुकीची तयारी सुरू असताना उरुळी कांचन जिल्हा परिषद गटात उरुळी कांचन ग्रामपंचायतीचे विदयमान सदस्य शंकर बडेकर हे निवडणूकीच्या रिंगणात उतरले असुन परिसरात केलेल्या विकास कामामुळे त्यांनी जनतेच्या व मतदारांच्या मनात एक वेगळीच क्रेझ निर्माण केली आहे या गटात युवा नेतृत्व म्हणून शंकर बडेकर यांचे नाव विशेषत्वाने चर्चेत आहे. त्यांच्या जनसंपर्कात, संघटनात्मक हालचालीत आणि लोकाभिमुख कामात उल्लेखनीय वाढ झाली आहे .
अतिशय शांत, नम्र आणि सर्वांसोबत सहज संवाद साधणारे ग्रामपंचायत सदस्य शंकर बडेकर हे परिसरात भाऊ म्हणून परिचित आहेत. ग्रामपंचायत सदस्य झाल्या नंतर विविध मूलभूत प्रश्नांवर सक्रियपणे काम करण्यास सुरुवात केली. नागरिकांच्या समस्या-पाणीपुरवठा, रस्ते, स्वच्छता,रेल्वे मोरी , वाहतूक-यांच्या सोडवणुकीसाठी त्यांनी सातत्याने प्रशासनाशी पाठपुरावा केला. यामुळे त्यांच्या कामाचा आणि नेतृत्वाचा आवाज उरुळी कांचन ,सोरतापवाडी ,वळती ,शिंदवणे ,तरडे या गावातील गल्लीबोळापर्यंत पोहोचू लागला आहे. कार्यकर्त्यांशी सातत्याने भेटी, चर्चा, नियोजन आणि प्रत्येक कार्यक्रमात घेतलेला पुढाकार पाहून सर्व पक्षातील ज्येष्ठही प्रभावित झाले आहेत. कुठलाही कार्यक्रम घेताना युवा कार्यकर्त्यांना एकत्रित करणे, जेष्ठ नागरिकांचा आशिर्वाद घेऊन कार्यक्रमाचे नियोजन आणि समन्वय यात शंकर बडेकर महत्त्वपूर्ण भूमिका बजावत आहेत . तळागाळापर्यंत पोहोचवण्याचा त्यांनी हाती घेतलेला ध्यास पाहून कार्यकर्ते आणि नागरिक एकमुखाने “पक्ष निश्चितच भाऊंच्या प्रामाणिक कामाची योग्य दखल घेईल” असा विश्वास उरुळी कांचन गटातील मतदार व्यक्त करत आहेत.
त्यांच्या लोकप्रियतेला प्रचंड उसळी मिळाली असुन परिसरातील तरुणाई आणि नागरिकांमध्ये “आपला भाऊ जिल्हा परिषद सदस्य व्हावा” अशी मागणी वाढत असल्याचे चित्र पाहायला मिळत आहे. एकूणच शंकर बडेकर हे उदयास येत असलेल्या सक्षम, शांत, संयमी आणि सर्वसमावेशक युवा नेतृत्वाचे मजबूत प्रतीक ठरत आहेत.
तर निश्चितपणे त्या संधीचे सोने करुन उरुळी गटात विकास कामाची रेल्वे धावेल असा विश्वास उरुळी कांचन गटातील प्रमुख दावेदार ग्रामपंचायत सदस्य शंकर बडेकर यांनी व्यक्त केला .
