लोणी काळभोर प्रतिनिधी – तणावमुक्त मन आणि हिंसामुक्त समाज हे उद्दीष्ट ठेऊन जगप्रसिद्ध आध्यात्मिक गुरु, शांतिदूत गुरुदेव श्री श्री रविशंकर यांच्या मार्गदर्शनाखाली आर्ट ऑफ लिव्हिंग संस्थेच्या वतीने आनंद अनुभूती शिबिर (हॅप्पिनेस प्रोग्राम) कदमवाकवस्ती येथील मधुबन लाँन्स येथे आयोजित करण्यात आले. या शिबिराला नागरिकांचा खूप चांगला प्रतिसाद मिळाला.
या शिबिरामध्ये योग, प्राणायाम, आणि ध्यान शिकवण्यात आले. तसेच, या शिबिराने खालील गोष्टींवर लक्ष केंद्रित केले:
तणावमुक्त मन आणि आरोग्यदायी शरीर ,भावनांवर नियंत्रण आणि स्थिरता ,आत्मविश्वास आणि उत्साह वृद्धी ,
रोगप्रतिकारक शक्ती मजबूत होणे ,कार्यक्षमता वाढ ,
नातेसंबंध सुधारणा इत्यादींची माहिती देण्यात आली .
या शिबिरामधील विशेष आकर्षण म्हणजे सुदर्शन क्रिया ही शारीरिक तसेच मानसिक आरोग्यासाठी खूप प्रभावी ठरते. प्रशिक्षित तज्ञ शिक्षक अंबर पोकळे, वामाक्षी पोकळे, डाॅ. अर्चन सिंग यांनी उत्कृष्ट मार्गदर्शन केले.
स्वयंसेवक संदीप भुजबळ, साहील टिळेकर, नारायणी म्हेत्रे आनंद काळभोर, सोहम पालकर, हनुमंत पाटील व इतर संयेसेवक यांनी विशेष परिश्रम घेतले.
सहभागींनी शिबिराबद्दल समाधान व्यक्त केले आणि सांगितले की, या शिबिरामुळे त्यांच्या जीवनात सकारात्मक बदल घडले आहेत.
आर्ट ऑफ लिविंग चे वेगवेगळे कार्यक्रम गुरुदेव श्री श्री रविशंकर यांनी शांततेच्या तत्त्वज्ञानाच्या आधारावरती निर्माण केलेले आहेत: “आपल्याकडे तणावमुक्त मन आणि हिंसामुक्त समाज असल्याशिवाय आपण जागतिक शांतता प्राप्त करू शकत नाही. आर्ट ऑफ लिव्हिंगमध्ये तणाव-निर्मूलन कार्यक्रम देते ज्यात श्वासोच्छवासाचे तंत्र, ध्यान आणि योग यांचा समावेश आहे.आर्ट ऑफ लिव्हिंग विविध मानवतावादी प्रकल्पांद्वारे समुदायांमध्ये शांततेचा प्रचार करत आहे: संघर्ष निराकरण, आपत्ती निवारण, शाश्वत ग्रामीण विकास, महिला सक्षमीकरण, कैद्यांचे पुनर्वसन, सर्वांसाठी शिक्षण आणि पर्यावरणीय स्थिरता देते .
