लोणी काळभोर – टिळेकरवाडी
भर वस्तीत माजी सरपंच विकास आत्माराम टिळेकर यांच्या गोठ्यातील वासरावर बिबट्याचा हल्ला केला असुन हल्ल्यात वासराचा मृत्यू झाला आहे .
टिळेकर वाडी मध्ये आठवड्याभरात दुसरी घटना असून नागरिकांमध्ये भीतीचे वातावरण निर्माण झाले आहे .तरी वन अधिकारी यांना गावामध्ये पिंजरा लावून बिबट्या पकडण्याची मोहीम हाती घेण्यात यावी. भर वस्तीमध्ये बिबट्या आल्यामुळे लहान मुले , शेतकरी महिलावर्ग कामावर जाणे येणे बंद झालेले आहे. बिबट्या दिवसभर जवळपास ऊस क्षेत्रात राहून रात्रीच्या वेळी हल्ला करत असतात. गेल्या आठ-दहा दिवसापासून बिबट्याचा वावर टिळेकरवाडी परिसरामध्ये आहे. तरी वनविभागाने लवकरात लवकर त्यावर पिंजरा लावून कारवाई करावी. अशी विनंती गावचे पोलीस पाटील विजय टिळेकर पाटील यांनी वन अधिकारी गायकवाड यांच्याकडे केलेली आहे. परिसरातील नागरिकांनी सतर्क राहावे असे आवाहन पोलीस पाटील विजय टिळेकर यांनी केले .
