लोणी काळभोर प्रतिनिधी – भारतरत्न डॉ.बाबासाहेब आंबेडकर यांच्या जन्मदिनाचे औचित्य साधून, थेऊर ग्रामपंचायत सदस्य युवराज हिरामण काकडे यांनी, थेऊर येथे पहिल्यांदाच ‘जनता दरबाराचे’ आयोजन केले होते. “महाराष्ट्र शासन निर्णय संक्रीण / २०२५ / प्र / क्र. ९७८ अंतर्गत” १०० दिवस कृती आराखडा कार्यक्रमार्फत- जातीच्या दाखल्यांच्या नावांची यादी करणे, अर्जातील त्रुटींची पूर्तता करणे, नवीन अर्ज स्वीकारणे, ग्रामपंचायत अनुषंगिक कामे, कृषी विभाग, ऊर्जा (MSEB) विभाग, सामाजिक न्याय व महिला बालकल्याण अंतर्गत कामे, आरोग्य विषयक सल्ला व मार्गदर्शन अशा विविध विभागांमार्फत परिसरातील नागरिकांच्या शंकांचे निरसन करून, सेवासुविधा देण्यात आल्या. यावेळी भारतरत्न डॉ. बाबासाहेब आंबेडकर, छत्रपती शिवाजी शिवाजी महाराज यांच्या प्रतिमेचे तसेच संविधान पुस्तिकेचे पुजन करून, कार्यक्रमास सुरुवात करण्यात आली. या जनता दरबारामध्ये जवळपास २९७ गरजवंत नागरिकांनी लाभ घेतला. अप्पर तहसीलदार सौ. तृप्ती कोलते पाटील यांच्या मार्गदर्शनाखाली, या कार्यक्रमाचे नियोजन करण्यात आले होते. यावेळी मंडळ अधिकारी किशोर जाधव, तलाठी सौ.सरला पाटील, थेऊर ग्रामपंचायत अधिकारी तुकाराम पाटील,एम एस ई बीचे कनिष्ठ अभियंता सुधीर धाडगे, पंचायत समिती कृषी अधिकारी गजानन नारकर, कृषी सहाय्यक राजेंद्र भोसेकर, यांनी सेवा सुविधांबाबत विशेष सहकार्य केले. तसेच हवेली पंचायत समितीचे माजी सदस्य हिरामण काकडे, काळूराम कांबळे, यशवंतचे मा.व्हाइस चेअरमन मोरेश्वर काळे, थेऊरचे मा.उपसरपंच दत्तात्रय कुंजीर, सदस्य राहुल कांबळे, गणेश रसाळ, सुखराज कुंजीर, दत्तात्रय कुंजीर, गोविंद तारु, संजय गावडे, विनोद माळी, मच्छिंद्र तारु, गणेश कुंजीर, नंदकुमार कुंजीर, लक्ष्मण कुंजीर, रूपचंद बोडके, रामचंद्र बोडके, मयुर कुंजीर, दिनेश कुंजीर, दिपक काकडे, संदीप काकडे, विलास काकडे, बाळासाहेब शेडगे, सचिन राऊत, किरण मेमाणे, रामदास चव्हाण, रायचंद जाधव, वसंत चव्हाण, सोमनाथ जाधव, सुमित सावंत, अजय जाधव आदी उपस्थित होते.
