लोणी काळभोर – समाजातील विविध स्तरातील कार्य करणाऱ्या व्यक्तींना लोककल्याण साधना गौरव पुरस्काराने सन्मानित करण्यात आले त्यामध्ये पुणे जिल्ह्यातील कामगारांच्या समस्या सोडविण्यासाठी अग्रगण्य असलेले सचिन गोपीनाथ तुपे यांना लोक कल्याण श्रमसाधना गौरव पुरस्कार देऊन नुकतेच सन्मानित करण्यात आले .
संत नरहरी सोनार महाराजांचे २४ वे वंशज अथर्व महामुनी यांच्या हस्ते शाल ,श्रीफळ व मानचिन्ह देऊन सन्मानित करण्यात आले.
यावेळी लोककल्याण प्रतिष्ठाणचे अध्यक्ष राजाभाऊ होले,गुन्हे शाखा,पुणेचे पोलिस निरीक्षक युवराज हांडे ,सामाजिक कार्यकर्ते नितीन गावडे ,किर्तनकार ज्ञानदिप गायकवाड आदी उपस्थित होते . सचिन गोपीनाथ तुपे हे २००९ पासून कामगार प्रतिनिधी म्हणून का म करत आहेत . सर्व कामगारांना बरोबर घेऊन २००९ मध्ये कामगार युनियनची स्थापना केली . सर्व संमतीने सहमतीने त्यांची बिनविरोध संस्थापक अध्यक्षपदी निवड करण्यात आली . कामगारांच्या प्रमुख मागण्यांसाठी व त्या पुर्ण करण्यासाठी सचिन गोपीनाथ तुपे हे सतत कार्यरत असतात. कामगारांना पगार वाढ व सुमारे कंपनीतील हंगामी कामगारांना कायम करून घेण्याचे काम त्यांनी केले आहे .पुणे जिल्ह्यातील अनेक कंपन्यांशी ते जोडले गेले असून कामगारांच्या सोयी सुविधांसाठी सतत व्यवस्थापनेशी चर्चा करत असतात प्रत्येक कामगारांना दहा लाख रुपयांपर्यंत मेडिक्लेम तसेच कामावर येण्या जाण्यासाठी बसची सुविधा कॅन्टींग ची सुविधा इत्यादी प्रश्न त्यांनी मार्गी लावले .कामगारांबरोबरच जनमानसामध्ये सुद्धा त्यांनी अनेक माणसे जोडली आहे . पुणे जिल्ह्यातील अनेक कंपनीच्या सल्लागारपदी नियुक्ती झाली असून कामगार व व्यवस्थापन यांच्याशी सतत चर्चा करून कामगारांचे प्रश्न सोडविण्यासाठी ते अग्रगण्य आहेत. या हा पुरस्कार मिळाल्यामुळे पुणे जिल्ह्यातील कामगार तसेच हडपसर परिसरातील कामगार यांनी सचिन गोपीनाथ तुपे यांचे अभिनंदन केले आहे .
