गतिरोधकाची उंची कमी करण्याची भाविकांची मागणी
लोणी काळभोर प्रतिनिधी – हवेली तालुक्यातील पर्यटन स्थळ म्हणून नावारूपाला आलेले रामदरा शिवालयाकडे जाणाऱ्या रस्त्याचे डांबरीकरण सुरु झाले असुन स्थानिक नागरिकांनी व भाविकांनी याबाबत समाधान व्यक्त केले आहे . रामदरा शिवालयाकडे जाणाऱ्या रस्त्याचे काम बरेच दिवस डांबरीकरण रखडले होते . खडीकरण झाल्यानंतर डांबरीकरण सुध्दा बरेच दिवस रखडले होते .त्यामुळे नागरिकांना व भाविकांना बराच त्रास सहन करावा लागत होता .परंतु आता डांबरीकरण सुरू झाल्याने अनेक प्रश्न मार्गी लागले आहेत .परंतु डांबरीकरण करताना जागोजागी जे गतिरोधक केले आहेत .ते अधिक उंचीचे असून जाताना व येताना याचा खूपच त्रास होत असल्याचे भाविकांचे म्हणणे आहे. तसेच त्याची उंची कमी करून त्यावर पांढरे पट्टे मारणे आवश्यक आहे. त्यामुळे ते गतिरोधक लवकर दिसून गाडीचा वेग कमी करता येणे शक्य होणार आहे. डांबरीकरण करताना जास्तीत जास्त गतिरोधक केले असून वाहन चालकांना याचा त्रास होताना दिसत आहे. तसेच साईट पटयाची कुठलीच सुविधा येथे दिसत नाही .परंतु डांबरीकरण होतेय म्हणून नागरिक व भाविकांना याचा आनंद होत आहे .
