हवेली तालुक्यातील एका नावाजलेल्या ग्रामपंचायतीचा प्रताप
लोणी काळभोर – हवेली तालुक्यातील एका नावाजलेल्या ग्रामपंचायतीमध्ये लाखो रुपयांची बिले केवळ राजकारणामुळे अडकली असून ग्रामपंचायतिच्या पदाधिकाऱ्यांनी याकडे दुर्लक्ष केले आहे. फक्त न फक्त राजकारणच याला जबाबदार असल्याचे अनेक व्यवसायिकांनी सांगितले. याबाबत एका व्यवसायिकांनी सांगितले की राजकारणामुळे ग्रामपंचायत सदस्यांनी पैसे असून सुद्धा ही बिले अडविली असून अनेक व्यवसायिकांचे यामुळे आर्थिक नुकसान होत आहे. याबाबत कोण कोण विरोध करणार करत आहे याचा सविस्तर वृत्तांत लवकरच देणार असून विरोध करणाऱ्यांची नावे जाहीर करणार असल्याची या व्यवसायिकांनी सांगितले . मार्च महिना चालू असल्यामुळे लाखो रुपयांचे बील आडकल्यामुळे या व्यवसायिकांना प्रचंड आर्थिक ताण आला आहे . वरिष्ठ अधिकाऱ्यांना निवेदन दिले तरी ग्रामपंचायत सदस्य या निवेदनाला केराची टोपली दाखवत आहेत . त्यामुळे या व्यावसायिकांची मनस्थिती आता विचलित झाली असून विरोध करणाऱ्यांची नावे लवकरच जाहीर करणार असल्याचे चार ते पाच व्यवसायिकांनी सांगितले .त्यामुळे कोणत्या ग्रामपंचायतीने व्यावसायिकांचे पैसे अडवले व कोणकोणत्या सदस्याने पैसे देण्यास नकार दिला. हे लवकरच जाहीर करणार असल्याचे या व्यायसायिकांनी सांगितले . जाहीर होणाऱ्या नावाची उत्सुकता हवेली तालुक्यातील नागरिकांमध्ये लागली असून ग्रामपंचायतीचे पदाधिकारी केवळ राजकारणापायी जर व्यवसायिकांचे पैसे थकवित असतील तर यापुढे या ग्रामपंचायतीला कुठल्याच व्यवसायिकांनी मटेरियल देऊ नये असे आवाहन या व्यवसायिकांनी केले आहे.
