पुणे शहरातील वाहतूक कोंडी टाळण्यासाठी ग्रामीण जनतेला धरले जाते वेठीस
सहा ते सात किलोमीटर पर्यंत वाहतूक ठप्प
लोणी काळभोर -पुणे शहरातील वाहतूकीचे नियोजन व संभाव्य कोंडी टाळण्यासाठी तसेच नागरिकांचा त्रास कमी होण्यासाठी शहरातील रस्त्यावर अवजड वाहनामुळे होणाऱ्या वाहतूक कोंडीचे प्रमाण कमी करण्यासाठी अवजडवाहणे पुणे सोलापूर महामार्गावर थांबविण्यात आली असुन त्यात कित्येक चारचाकी गाडया ,रुग्णवाहिका ,अत्यावश्यक सेवा देणारी वाहने अडकल्याने नागरिकांनी संताप व्यक्त केला आहे . वाहतूक सुरुळीत होण्याऐवजी नागरिकांना जास्तच त्रास होऊन मनस्ताप सहन करावा लागला . शहरात अवजड वाहनांना बंदी म्हणून कवडीपाट टोल नाका ,थेऊर फाटा येथे अवजड वाहने थांबविण्यात येतात परंतु त्याचा त्रास मात्र नागरिकांना बसत आहे .
पुणे शहरातील वाहतूक कोंडी टाळण्यासाठी रात्री अकरा पर्यंत पुणे शहरात अवजड वाहनांना बंदी घालण्यात आली असून गुरुवारी रात्री ही अवजड वाहने थांबविण्यात आली परंतु पुणे शहर वाहतूक पोलिसांच्या नियोजनाअभावी अवजड वाहनांबरोबर इतर वाहन चालकांना सुद्धा याचा मनस्ताप सहन करावा लागला . त्यामध्ये चार चाकी गाडी वाल्यांचे खूपच गैरसोय झाली . तर कित्येक रुग्णवाहिका अडकल्यामुळे रुग्णांचे हाल झाले .तर वेळेवर जाण्यासाठी निघालेल्या दूध व भाजीपाल्याच्या गाड्या जागेवरच थांबल्याने इच्छित स्थळी जाण्यासाठी त्यांना खूपच धडपड करावी लागली .त्यातच पोलिसांनी अकरा वाजेपर्यंत वाहतूक थांबवल्यामुळे अवजड वाहनांमुळे वाहतूक कोंडीत आणखीनच भर पडली.
