लोणी काळभोर – पाटीदार समाज तसेच आळंदी म्हातोबा पर्यावरण समिती यांच्या संयुक्त विद्यमानाने आळंदी म्हातोबा येथे लाखो रुपयांची देशी स्वरूपाच्या झाडांचे वृक्षारोपण करण्यात आले.यावेळी पाटीदार समाज तसेच पर्यावरण समिती उपस्थित होते.यावेळी पर्यावरण समितीचे अध्यक्ष संदीप शिवरकर म्हणाले की पाटीदार समाज नेहमीच सामाजिक कार्यात आघाडीवर असतो आज त्यांच्या माध्यमातून वड,पिंपळ अशा प्रकारची लाखो रुपयांची झाडे मिळालेली असून ऑक्सिजन देण्यासाठी ही झाडे खूप महत्वाची आहेत.यावेळी पाटीदार समाजाच्या वतीने तुलसी पटेल,प्रदीप पटेल,रमेश पटेल,प्रवीण पटेल व मनोज पटेल यांनी आपले मनोगत व्यक्त केले तसेच राज्य मराठी पत्रकार परिषदेचे अध्यक्ष प्रा .सचिन महाराज माथेफोड यांनी आपले मनोगत व्यक्त करताना समस्त पाटीदार समाज व पर्यावरण समितीचे कौतुक केले.आळंदी म्हातोबा ग्रामस्थांमध्ये शालेय समिती अध्यक्ष जालिंदर जवळकर, उपसरपंच दयानंद शिवरकर, मा.सरपंच आबासाहेब जवळकर,दत्तात्रय जवळकर, मा.उपसरपंच शंकर जवळकर,वाल्मीक जवळकर, मा.सैनिक सुभाष जवळकर,परशुराम जवळकर उपस्थित होते.
