लोणी काळभोर प्रतिनिधी -मराठा समाजातील विवाह मध्ये होणारी फसवणूक थांबविण्यासाठी नागरिकांनी जागृत राहणे गरजेचे असल्याचे मत सकळ मराठा समाजाचे नेते उत्तम कामठे यांनी व्यक्त केले . हडपसर येथे सकल मराठा समाज, हडपसर ,हवेली तालुक्यातील नागरिकांची महत्वपूर्ण बैठक आयोजीत करण्यात आली होती .यात मोठ्या प्रमाणावर मराठा बांधव उपस्थित होते .
यावेळी बोलताना कामठे यांनी सांगितले की आपण विवाह विषयी जागृतीसाठी एक कमिटी स्थापन करु .मुला ,मुलींचे विवाह ठरविताना होणारी फसवणूक टाळावी ,पुर्ण शहानिशा करुन लग्न ठरविणे ,कायदे विषयी मार्गदर्शन घेणे , पोलीस प्रशासनांची मदत घेणे ,लग्नात लागणारे साहित्या साठी मराठा उदयोजक तयार करणे ,कुणबी दाखल्याची अमंलबजावणी करणे ,युवक सक्षम झाला तर विवाह सुलभ पद्धतीने होईल .अश्या प्रकारचे ठराव यात मांडण्यात आले .यावेळी मराठा समाजाने विवाह विषयी केलेली आचारसंहिता वाचून दाखवण्यात आली. समाजात हुंडाबळी जाऊ नये म्हणून विविध २२मुद्दे या आचारसंहितेत घेतले आहेत .यामध्ये लग्नकार्याचे सर्व कार्यक्रम एकाच दिवशी घेण्यात यावे ,बुफे पद्धत बंद करावी त्यामुळे अन्न वाया जाण्याचे प्रमाण थांबेल ,स्टेजवर पुढार्यांची गर्दी कमी करावी. लग्न वेळेवर लावून सर्वांची वेळेची बचत करावी. जर पुढारी लोकांनी ठरवले की वेळेच्या नंतर लग्न लागण्यास उशीर झाला तर आम्ही थांबणार नाही तो पुढाऱ्यांचा मोठेपणा ठरेल . प्री वेडींग अजिबात करू नये कारण त्यामुळे प्री-वेडिंगच्या नावाखाली बाहेर गावी जाऊन अनेक चाळे होत असल्यामुळे लग्न मोडण्याचे प्रमाण वाढले आहेत . लग्नाचा खर्च मुलांच्या शिक्षणासाठी किंवा त्यांच्या व्यवसायाच्या भांडवलासाठी करावा . नवरा नवरीला आशीर्वाद देण्यासाठी समाजातील एका ज्येष्ठ व्यक्तीला सांगावे .ज्या कुटुंबाची पार्श्वभूमी सुनेचा हुंडा किंवा काही कारणास्तव छळ होत असेल तर अशा कुटुंबाशी संबंध होणार नाही याची काळजी घ्यावी. सासरी होणाऱ्या अन्यायाबद्दल मुलीच्या पुढील जीवन सुसह्य होण्यासाठी माहेरच्या लोकांनी पुढाकार घ्यावा .
मराठा समाजातील लोक घेऊन एक कमिटी तयार करून तिचे कार्य चालू करावे मंगळ कार्यालयाच्या बाहेर मराठा समाजाची आचारसंहिता लावावी .जेणे करुन तिचे पालन होईल पन्नास लग्न कार्यापैकी दहा जणांनी जरी आचारसंहितेचे पालन केले तरी ती मराठा समाजाची एक चांगली सुरुवात होईल .
यावेळी उत्तम कामठे , दत्तात्रय जवळकर , वाय .जी .पवार दत्तात्रय जाधव , रघुवीर तुपे ,अनिरुद्ध मराठे , सचिन सुंबे , गजानन जगताप ,निखिल झेंडे , साहेबराव खामकर ,स्मिता धुमाळ , शिवाजी पवार ,सुलभा साळुंखे, जयश्री पवार ,अनिल भापकर ,सुनिता तुपे , हनुमंत तुपे आदी मराठा बांधव उपस्थित होते .
